Baze dadus ba Kombatente sira ba Libertasaun Nasionál (KLN) mak sistema ne’ebé boot iha Timor-Leste.
Hahu iha finál tinan 2006 ho dokumentasaun hamutuk 200,000 formuláriu no prosesu pedidu pensaun hamutuk 65,000.
Kestionáriu, prosesu pensaun, identifikasaun ba benefisiáriu, reklamasaun, fixa koresaun hotu no seluk tan mak dijitaliza ona. Nune’e, ho dokumentu hamutuk 20 miliaun pájina dijitaliza, Laiha dúvida katak dijitalizasaun ida ne’e maka boot liu iha Timor-Leste
Sistema ida ne’e prosesa mensalmente kada fulan hamutuk dolar 7 miliaun, halo-nia sai hanesan sistema jestaun pensaun ida ne’ebé boot iha rai ida ne’e. Sistema ne’e kolekta ona resibu ho montante 4 miliaun ba pagamentu.
Ami iha testamuña direita husi ema rihun ne’bé hatene katak atendimentu ne’ebé ministériu iha bele hetan no fornese informasaun hotu ne’ebé ita hakarak ho lais, efikasia no rigor.
Sistema Baze Dadus Registu Kombatente sira ba Libertasaun Nasionál, ne’ebé envolve lista no Pensaun KLN mak prova katak Timor-Leste bele sai pioneiro ba mundu oinsa atu utiliza sistema informasaun.