SINGAPTL-PMIS – Sistema Integradu ba Jestaun Foun Administrasaun Públika Timor-Leste – Personal Management Information System
PMIS mak sistema integradu ne’ebe fasilita no otimiza servisu hotu-hotu ne’ebé relasiona ho jestaun rekursu umanu. Sistema ne’e adapta tomak lei no estrutura karreira Timor-Leste.
Sistema ne’e multilingua, posivel atu utiliza iha Tetum no Portugés no permiti ba lian seluk bainhira nesesáriu.
Hametin prátika jestaun rekursu umanu iha ita nia instituisaun governu. Aliña jestaun rekursu umanu ho valor no objetivu servisu públiku, hanesan hadi’a kualidade servisu, inovasaun no responsabilidade.
SINGAPTL-PMIS sei fornese fundamentu ba estratejia halo-desizaun no planeamentu iha ita nia organizasaun públika, inklui mós iha jestaun mudansa organizasional. PMIS sei ajuda atu hametin ita-nia sistema no dezempeñu jestaun rekursu umanu hodi atinji efisiénsia, efikázia no satisfasaun kliente ne’ebé diak liu.
Sistema kompostu husi módul sira mak hanesan tuir mai:
a) Módul Sentrál (rejistu):
Jere no rai dadus pesoal no profisionál funsionáriu no ajente husi organizasaun, hanesan naran, data moris, numeru identifikasaun, hela fatin, kontaktu, formasaun akadémika, falta no lisensa, esperiénsia profisionál, kursu formasaun, kargu, saláriu, benefísiu no seluk tan. Dokumentu hotu-hotu sei dijitaliza no aneksa iha rejistu funsionáriu ka ajente nian.
Entre funsionalidade hotu husi módul ne’e disponivel pakote estatistístika no indikador ba jestaun esensiál ba jestaun kualker instituisaun.
b) Rekrutamentu no Selesaun:
Jere prosesu rekrutamentu no selesaun funsionáriu no ajente foun ba organizasaun. Módul ida ne’e permiti atu defini rekizitu sira no kompeténsia nesesária husi kada vaga, divulga oportunidade empregu, simu no analiza kurríkulu husi kandidatu sira, halo teste no entrevista, hili perfil ne’ebé diak-liu no kontrata kolaborador foun. Dokumentu hotu hanesan lista admitidu no eskluidu, rezultadu teste no seluk tan sei hasai liuhosi sistema.
c) Jestaun formasaun interna:
Jere prosesu formasaun interna funsionáriu no ajente husi organizasaun. Módul ne’e permiti identifika nesesidade formasaun husi kada kolaborador, defini objetivu no planu formasaun, organiza no realiza asaun formasaun, avalia efikásia no impaktu formasaun, emisaun sertifikadu no diploma no kontrolu orsamentu formasaun.
d) Emisaun Kartaun:
Hasai kartaun identifikasaun funsionáriu no ajente husi organizasaun. Módul ne’e permiti atu personaliza kartaun tuir dadu pesoal no profisionál husi kolaborador sira, hamutuk ho logotipu no kor husi organizasaun nian. Módul ne’e mós permiti atu jere kódigu barra ka chips hodi fasilita leitura kartaun.
e) Pensaun:
Jere prosesu pensaun funsionáriu no ajente husi organizasaun. Módul ne’e permiti atu kalkula valor pensaun reforma ka invalidez husi kolaborador nomos kontribuisaun ba seguransa sosial. Permiti mós atu jere pedidu pensaun, alterasaun dadu bankaria, resibu pagamentu no komprovativu fiskal.
f) Portal Funsionáriu/Ajente:
Portal online funsionáriu no ajente husi organizasaun. Portal ne’e permiti kolaborador sira hodi asede sira-nia dadu pesoal no profisionál, konsulta sira-nia istória formasaun, solisitasaun férias ka lisensa, konsulta resibu vensimentu, komunika ho superior ka kolega no funsionalidade seluk sira.
g) Módul Avaliasaun no Jestaun Kompeténsia:
Jere prosesu avaliasaun no jestaun kompeténsia funsionáriu no ajente husi organizasaun. Módul ne’e permiti hodi defini kritériu no indikador dezempeñu ba kada kargu ka funsaun, halo avaliasaun periódika ba kolaaborador sira, defini planu dezenvolvimentu individual ka koletivu, rekoñese no fo premiu ba dezempeñu ne’ebe diak-liu.
h) Módul Vensimentu:
Jere prosesu vensimentu funsionáriu no ajente organizasaun. Kalkula valor vensimentu tuir tempu servisu, oras ekstra, subsídiu, deskontu, impostu no seluk tan. Módul ne’e mós permiti atu hasai resibu vensimentu, halo pagamentu liuhosi transferénsia bankária ka xeke, jere deklarasaun fiskal no haruka informasaun ba seguransa ba sosial.
i) Módul Ajuda Kustu no Despeza Deslokasaun:
Módul ne’e permiti atu defini regra no valor husi ajuda kustu no despeza deslokasaun, autoriza ka rejeita pedidu kolaborador, kontrola komprovativu despeza, halo reembolsu ka adiantamentu, hasai resibu no deklarasaun fiskal.
j) Ijiéne no Seguransa iha Servisu:
Jere prosesu ijiéne no seguransa iha servisu funsionáriu no ajente husi organizasaun. Permiti hodi identifika no avalia risku profisionál, defini no implementa medida prevensaun no protesaun, halo formasaun no sensibilizasaun, rejistu no analiza asidente servisu, elabora relatóriu no estatístika, halo tuir norma no lejislasaun sira.
PMIS mak sistema ida ne’ebé flexibel no eskalabel, ne’ebé posivel atu adapta tuir nesesidade no rekizitu iha futuru. PMIS dezenvolve husi Quidgest, empreza lider iha solusaun software ba jestaun públika.
Deskobre oinsa PMIS bele ajuda ita-nia organizasaun jere rekursu ida ne’ebé importante liu: Rekursu umanu.
Haré case study SIGRHARA – Sistema Integrado de Gestão dos Recursos Humanos da Administração Regional dos açores